Yudansa Urgente (SEH)

Yudansa Urgente (SEH)

Nos Departamentu di emergensia (SEH ta para pa Spoed Eisende Hulp) tin un karakter uniko, pasó no ta tur dia tin mes un rutina riba e departamentu aki. Den boka di pueblo nan sa yama e departamentu aki Poli, pero e nòmber korekto di e ta departamentu aki ta Departamentu di Emergensia of Spoed Eisende Hulp na hulandes. Meta prinsipal di nos departamentu di emergensia ta pa sòru pa alohamentu primario i stabilisashon di kasonan agudo.


E uniko Departamentu di Emergensia na Kòrsou

Nos hòspital tin e uniko departamentu di emergensia na Kòrsou i pa e motibu aki tambe ta importante pa nos tene nos standart haltu den nos obligashon pa ku nos pashèntnan.


Si diripiente bo a bira hopi malu i di tal manera ku bo bida ta na peliger, ta importante pa bo aktua lihé i adekuá. Nos Departamentu di emergensia ta disponibel 24 ora pa dia durante 7 dia di siman. Pa otro kehonan por tuma kontakto ku bo dòkter di kas òf e dòkter na warda.

Manchester Triage System

Tambe ta importante pa bo ta na altura ku nos departamentu di emergensia ta traha segun e Manchester Triage System (MTS). Esaki ta enserá ku e enfermero / enfermera di triage ta disidí e órden di tratamentu di pashènt a base di kantidat di parámetro.

Seguro

Tene na kuenta ku si no ta trata di un kaso urgente, SVB lo no kubri e gastunan i e pashènt lo ta responsabel pa esaki. Si bo no ta sigurá na SVB, por informá serka bo seguro kua gastu nan ta kubri.

Informashon di kontakto

Breedestraat 193
Otrobanda
Willemstad, Curaçao

Yamadanan sentral
(+5999) 462 4900 of 910