St. Elisabeth

Emergensia

Emergensia
Omschrijving:	Un kaso di emergensia ta na momento ku un bida ta na peliger Nos departamentu di emergensia ta disponibel 24 ora pa dia, 7 dia pa siman. Un kaso di emergensia ta na momento ku un bida ta na peliger. Pa otro kehonan médiko por tuma kontakto ku bo dòkter di kas òf e dòkter na warda. Klek aki pa mas informashon tokante esaki. Den boka di pueblo nan sa yama e departamentu aki Poli, pero e nòmber korekto di e ta departamentu aki ta Departamentu di Yudansa Urgente òf Spoed Eisende Hulp na hulandes. Meta prinsipal di nos departamentu di emergensia ta pa sòru pa alohamentu primario i stabilisashon di kasonan agudo. Lesa mas tokante di SEH aki. Pa drenta den kontakto ku sentral di St. Elisabeth Hospital por yama 910 Pa drenta den kontakto servisio di ambulans por yama 912 Bai bèk

Informashon di kontakto

Breedestraat 193
Otrobanda
Willemstad, Curaçao

Yamadanan sentral
(+5999) 462 4900 of 910

Fasilidat

Fasilidatnan den St. Elisabeth Hospital pa hasi bo bishita mas plasentero

Wifi: tin wifi pòrnada pa tur pashènt i bishitante ku ta deseá di tin konekshon ku Internet.

Nos Tienda: na entrada prinsipal di hòspital tin "Nos Tienda" kaminda tin diferente produkto pa uso personal i tambe pa konsumo. Nos tienda ta habrí di djaluna pa djabièrnè di 8:00or pa 19:00or.

Artiteka: nos boluntarionan ta pasa tur mainta trese buki, revista i algun kos pa pasa boka pa nos pashèntnan. Por bai na Artiteka tambe pa fia buki.

Kapèl i pastor: e kapèl di hòspital ta disponibel pa tur esnan ku ke hasi un orashon i tambe tin santu sakrifisio di misa i riba djadumingu di 9:30or pa 10:30or. Pa asistensia spiritual pashèntnan por akudi na pastor Gabriel pa risibí Santa Komunion, si tin deseo di konfesá, òf risibi santoli (huntu ku nan famia ta hasi orashon).

Parker

Parker na St. Elisabeth Hòspital

Nos hòspital Nobo ta bou di konstrukshon i esaki tin komo konsekuensia ku lugánan di parker na SEHOS ta limitá. Tin espasio pa parker na e entrada prinsipal kual ta Breedestraat Otrobanda i e entrada parti patras na Pater Euwensweg. Por fabor respetá e maneho di nos tim di seguridat i kore poko poko ora subi tereno di hòspital.

Pashènt poliklíniko, ku no por kana distansia largu òf mester bin pa un saminashon/ tratamentu poliklíniko, por parker pa un tempu kòrtiku riba e lugá di parker riba tereno di hòspital dilanti entrada prinsipal, na momento ku tin lugá disponibel.

Higiena

Prevenshon di infekshon ta responsabilidat di nos tur!

Pa mantené un hospital higiéniko ta importante pa tur hende ku bini den kontakto ku pashènt laba i desinfektá nan man regularmente. Riba tur departamentu tin fasilidat pa laba man i instrukshon kon pa hasi esaki. Tambe tin alkohòl pegá na kamanan di pashènt i den e koredornan tin aparato pa desinfektá man.

Huntu nos ta krea un ambiente limpi i sigur tantu pa pashènt komo empleado di SEHOS

Klek aki ma lesa mas tokante higiena i prevenshon

Orario di bishita

Tur departamentu

11:30-12:30 mèrdia i 17:30-19:00 anochi.

Departamentu di Mucha

Pa mayor 07:00-19:00
Pa otro bishitante e orarionan di bishita regular ta na vigor.

RMHC

Ronald McDonald House Charities Curaçao Foundation (RMHC)

RMHC ta ubiká den nos hòspital nѐt na entrada di nos departamentu di mucha.

Klek aki pa bai na e pagina di Facebook di Ronald McDonald House Curaçao