Hemodiálisis

Zoeken
Hemodiálisis
Omschrijving:

Ta duna tratamentu na dos sitio:

Departamentu di Hemodiálisis na hospital St. Elisabeth.

Diatel na Jan Noorduynweg.

Ta duna 2 tipo di tratamentu:

Hemodiálisis (hasí dor di un mashin).

Diálisis Peritonial (ta tuma lugá den barika).

Tratamentu di hemodiálisis

Pa dia ta duna tratamentu na pashèntnan den 3 sheft.

Promé: 07:00- 11:30 mainta

Dos:    12:00-16:00 atardi

Tres:   16:30-22:00 anochi

Na Diatel ta duna tratamentu den 2 sheft

Promé: 07:00-12:00 mainta

Dos:    14:00-20:00 anochi

Por hasi uzo di televishon i Internèt (wifi) durante bo tratamentu.

Servisionan adishonal

Sehos no ta duna servisio di transporte.

Pa regla transporte por tuma kontakto ku entre otro:

Wit Gele Kruis, departamentu di Transpòrt

Catharina Care        +5999 511 9316

Rubia Transport       +5999 678 0519

Transhende              +5999 738 7100 òf +5999 562 2416

Joseph Care             +5999 511 4888 òf +5999 664 2261

Wijk Banda Bou       +5999 864 8077

Dietista

Si akaso mester di informashon òf rekomendashon tokante dieta por laga dòkter skibi un konsulta pa dietista.

Trahadó sosial

Si akaso mester di guia di un trahadó sosial por laga dòkter/enfermera(o) skibi un konsulta. E kliente na su turno ta traha un sita ku e trahadó sosial.

Reglanan di kas Departamentu di Hemodiálisis

Pa e proseso di diálisis den e sentro por kana bon tin algun punto ku mester tene kuenta kuné:

Presentá na e ora ku a palabrá pa bo tratamentu.

Por fabor sinta warda bo turno den sala di espera te ora bo wòrdu yamá pa un enfermero.

No ta pèrmití pa subi sala di diálisis sin pèrmit di enfermero nan.

No ta permití pa huma riba sala ni den departamentu di Hemodiálisis.

Trata i papia semper ku rèspèt na otro klientenan i enfermeronan.

Si pa un motibu òf otro bo no por bin dialisá avisá nos adelantá.

Klientenan ku tin un “shunt” por fabor laba e man di “shunt” promé ku kuminsá ku tratamentu.

Na momentu di konektá òf deskonektá bo na òf for di mashin di dialisá no ta permití pa uza telefon selular ni wak televishon.

Ora terminá di dialisá sea asina bon di bandoná sala di diálisis asina ku por hasi e preparashonnan pa e siguiente sheft. Na momentu di “òntslag” e kliente ta kaba su siman di diálisis na departamentu di diálisis na SEHOS. E siguiente siman ta kuminsá atrobe den Diatel. Importante ta pa entregá e karta di retiro (òntslag) na Diatel ya asina por tuma nota di e tratamentu i kambio di remedinan di e kliente.

Bishita atardi ku ta 17.30 – 19.00

Pashèntnan poliklíniko no por risibí bishita.

Pashèntnan ku ta interná por risibí bishita solamente den ora di bishita.

Durante e ora ku ta pone i kita pashènt for di mashin no ta pèrmití bishita riba sala.

Pashènt ku tin infekshon kontagioso no por risibí bishita.

Den tur kaso no ta permití mas ku dos bishitante serka un pashènt.

No ta permití mucha bou di 12 aña pasa riba sala diálisis.

Konsumo

Ta rekomendá pa kome algu promé ku sali for di kas pa evitá ku por bira ral promé ku òf durante tratamentu. Òf por bin ku algu di kome i bebe. Nos ta duna eis pa e kliente ku ta rekerí  esaki. Kada kliente mester bini ku su beker pa bebe kos aden.

Emergensia

Entre 7:00or pa 22:00or ta alkansabel na number di telefon +5999 462 4900 ekstenshon 1801 òf 1802.

Ora departamentu ta sera mester yama sentral di Hospital na +5999 462 4900 pidi pa e persona ku ta na warda pa diálisis.

Bai bèk

Informashon di kontakto

Breedestraat 193
Otrobanda
Willemstad, Curaçao

Yamadanan sentral
(+5999) 462 4900 of 910