Laboratorio

Zoeken
Laboratorio
Telefoon: ekstenshon 1850 / 1851 / 8660
Omschrijving:

Tѐstnan di sanger i di urina ta tuma lugá den nos laboratorio

E sala di prek ta situá den e edifisio di nos hòspital. Esaki por ser alkansá via di e entrada prinsipal di SEHOS, den gang na e entrada di laboratorio.

Sala di prek sanger den e edifisio di SEHOS  ta habrí di djaluna te ku djabierne di 12:15or te 15:00or

Por prek sanger tambe den nos poliklínika (poliklinische bloedafname centrum) entre di 7:00or te 12:15or

Preparashon

Ta importante pa bo ta na yuna na momento ku bo bin prek sanger. Esaki ta nifiká ku bo no por kome ni bebe pa un periodo di 12 ora prome ku bo bai kue sanger.

Durante di e 12 oranan aki por bebe e kantidat di awa kustumbrá. Si ta huza remedi, por bebe esaki ku un boka di awa e dia ku mester prek sanger.

Dikon mester yuna?

Den nos sanger tin sierto supstansianan ku por varia bastante durante momentunan di dia. Un di e momentu aki ta durante di kome. Pa por midi resultadonan stabíl ta nesesario pa bo ta na yuna na momentu di kue sanger, ya e lokual bo a kome òf bebe no tin influensha riba e resultado.
Si pa kualke motibu bo no ta na yuna na momentu di prek sanger, e trahadó di laboratorio por pidibu pa bini bѐk un otro dia na yuna.

Tuma resultado na laboratorio di SEHOS

Tur hende ku bin prek sanger serka nos, por hasi un petishon pa haña na resultado. Por pasa tuma e resultado na laboratorio personal òf por laga un otro persona tuma e resultado.  Na momentu ku un otro persona bin tuma bo resultado serka nos den laboratorio mester tene kuenta ku lo sigiente:

  • E persona mester tin un karta di apoderashon (machtiging) huntu kuné. E karta aki mester tin e firma di esun ku a hasi tѐst den laboratorio i tambe firma di e persona ku ta bin tuma e resultado.
  • Esun ku ta bin tuma e resultado mester tin un identifíkashon bálido di tantu e persona ku a hasi e tѐst komo e persona ku ta bin tuma e resultado.

Bai bèk

Informashon di kontakto

Breedestraat 193
Otrobanda
Willemstad, Curaçao

Yamadanan sentral
(+5999) 462 4900 of 910