Onkologia

Bo a ser referí na e departamentu di Onkologia pa un investigashon pa un tratamentu. Pa nos yudabu mas lihé posibel nos ta pidi pa tene kuenta ku lo sigiente:

Rekisito pa e promé konsulta

Trese bo referensha di dòkter di kas òf e speshalista lesabel i kompleto. Bo referensha ta wòrdu evaluá dor di e speshalista riba e mesun dia. Nos lo tuma kontakto mas lihé posibel pa konfirmá bo sita.

Karta di referensha di SVB/ karta di garantia válido/ karta válido di referensha atministrativo.

Pònsplachi

Karchi válido di seguro (SVB, ENNIA, Guardian Group)

Tarheta di identifikashon ( sédula, reibeweis, pasport)

Rekisito pa e siguiente konsulta

Karta di referensha di SVB/ karta di garantia válido/ karta válido di referensha atministrativo.

Pònsplachi

Karchi di seguro válido

Karchi di e sita

Identifikashon

Mèldu na e bali sentral

Na yegada na poliklínika tin ku mèldu na e bali sentral (bentana 11, 12 o 13). Via di un sistema di numerashon lo bo yega na turno.

Si tin kambio den datonan personal por fabor informá e persona ku ta na e bali prinsipal (direkshon, number di telefòn, kambio di dòkter di kas, seguro, persona di kontakto).

Konsulta

Bo por presentá ku un máksimo di 3 persona na bo konsulta. Nos ta konsehá bo pa bini ku e mesun 3 persona nan aki na e siguiente konsulta nan.

Den kaso ku bo ta ousente nos lo no papia ku bo persona nan di kontakto sin bo outorisashon.

Atmishon klíniko

Por sosodé bo tin ku wòrdu atmití den hospital en relashon ku bo malesa. Hospital St. Elisabeth tin un departamentu ku ta spesial pa onkologia i hematologia. Nos ta rekomendá bo pa wòrdu atmití na e departamentu aki, en konekshon ku ekspertisio di onkologia i hematologia di e enfermeranan riba e departamentu ei.

Remedi

Si ta posibel nos ta pidi pa trese tur e remedinan ku bo ta usando, òf un lista aktual ku bo remedi i ku e dósis korespondiente. Si ta posibel, bo por pidi un lista di remedi na e botika. Ta importante pa trese informashon tokante posibel alergia pa sierto remedi.

Stashoná / Parker

Nos ta konsehá pa bo mustra bo karchi di sita na nos ‘security’. E bewaker ta duna indikashon pa stashoná e vehíkulo paden òf pafó di e tereno di hospital. 

Sita, fecha i orario

Semper lo bo haña un sita riba un fecha i orario stipulá. Frekuentemente sa tin situashon nan ku karakter di urgensia na nos poliklínika. Esaki ta pone ku bo sita por wòrdu atrasá. Sin embargo nos ta hasi lo máksimo pa mantené esaki na un mínimo.

Resèpt

Si ta nesesario bo ta risibí sufisiente resèpt te ku bo próksimo sita. Semper kontrolá si bo a risibí sufisiente resèpt. Tin kosto involukrá ku pèrdida di bo reseta.  

Si bo a pèrdè un resèpt òf bo falta resèpt, bo por yama entre 9 pa 10 or di mainta na poliklínika, e number di telefòn ta (599) 9 4321055. Bo por tuma e resèpt e siguiente dia.

Resèpt pa remedi ku ta wòrdu preskribí pa otro lugá no ta wòrdu preskribí serka nos.

Grabamentu

Graba imágen i/òf kòmbersashonnan no ta permití riba nos departamentu di onkologia / hematologia sin pèrmit di e spesialista. Den kaso di infrakshon di e regla aki, trahadó di hospital tin derechi di tuma medida nesesario.  

Kanselashon di sita

Den kaso ku bo no por presentá na bo sita, avisá esaki na tempu na number di telefon  (599) 9 4321055

Bai bèk