Psychiatrie (P.A.A.Z.)

Zoeken
Psychiatrische Afdeling Algemeen Ziekenhuis (P.A.A.Z.)
Telefoon: 4624900 ekstenshon 8659
Omschrijving:

Psychiatrische Afdeling Algemeen Ziekenhuis (P.A.A.Z) ta un departamentu den st. Elisabeth Hospital ku ta atmití personanan (hòmber i muhé) for di 17 aña bai ariba ku problema sikiátriko i/òf ku problema di adikshon. Un sikiater por rekomendá un persona pa wòrdu atmití boluntariamente. E Atmishon por bai via di ofisina di e sikiater, via di emergensia òf via di otro departamentu den hospital.

Ta trata persona ku problema sikiátriko manera depreshon i schizofrenia pa yuda nan aseptá nan malesa i siña nan kon pa dil ku esaki. Tambe tayuda personanan ku problema ku adikshon ku detox pa mas o ménos 2 siman i pa despues nan sigui ku tratamentu huntu ku FMA. E persona ta haña tratamentu di remedi, e sikiater ta preskribí esaki. Tambe tin terapia di kombersashon den grupo of huntu ku guia i terapia di muzik. Tin aktividat nan sea riba e departamentu mes of pafó. Ta sali bai keiru (rondtrip) of bishita instansia nan manera CPA of parke di avestrus.

P.A.A.Z ta e úniko departamentu ku tin e terapia di ECT. (Electro Convulsie Therapie). Esaki ta tratamentu ku elektrisidat na kabes i ta yuda bon kontra di depreshon. Esaki ta den kaso ku tratamentu ku remedi no ta yuda mas.

Riba P.A.A.Z ta traha e hefe di departamentu, diferente enfermero/a, un trahadó pa aktividat i diferente sikiater pa yuda e persona rekuperá di e problema sikiátriko òf adikshon òf siña biba ku su malesa.

Bai bèk

Trefwoord(en): PAAZ, psychiater, pshychisch, geestelijk

Informashon di kontakto

Breedestraat 193
Otrobanda
Willemstad, Curaçao

Yamadanan sentral
(+5999) 462 4900 of 910