Entregá keho

Hòspital St. Elisabeth ta haña importante ku su pashèntnan ta satisfecho ku e kuido prestá. Apesar di tur esfuerso por surgi mal komprendementu òf sintimentunan di mal kontentu riba e kuido òf trato. Nos ta rekomendá pa bo mèldu bo keho mas lihé posibel. Pa asina nos por buska un solushon. 

Unda bo por entregá bo keho?

E mihó manera ta pa bo duna bo keho kaminda el a surgi. Hasi esaki mas lihé posibel. Na promé instante ta rekomendá pa bo kombersá ku e hefe di e departamento, pa wak ku huntu por haña un solushon pa e malkontentu/reklamo. E funshonario di keho ta registrá tur keho ku a keda entregá i ta pone Hunta di Direktiva na altura. Por akudí na e funshonario di keho;



 

Ora di servisio

Djaluna - Djabièrnè di 08:00or pa 16:00or
Telefòn  432-1204 òf 432-1205
E-mail klachten@sehos.cw

Kon e funshonario di keho por yudabu?

Por entregá un keho tantu verbal komo por eskrito.

Tambe tin e posibilidat di entrega bo keho digital via dor di klek aki.

Kehonan/reklamonan entregá verbal

Bo por deliberá riba bo keho na un manera informal i konfidensial ku e Funshonario di Keho. Huntu por mira kon pa atendé bo keho. Lo trata di intermediá entre partido pa trese un aklarashon i/òf un splikashon.

Kehonan entregá por eskrito

Komishon di Keho ta trata solamente keho ku ta entregá por eskrito. Despues ku e komishon di keho a risibí bo karta, lo bo risibí un konfirmashon por eskrito di e komishon.

Importante: formulá kla kiko bo ke logra ku bo keho. Un keho/reklamo bon formulá ta evitá mal komprendementu i desapunto. Kòrda menshoná tur e informashon ku ta skirbi riba pònsplachi di e pashènt. Ora un otro hende ku e pashènt ta entrega e keho, kòrda menshoná bo nòmber, adrès i number di telefòn òf E-mail.

Por dirigí bo karta di keho na

Hospital St. Elisabeth
Departamentu di Keho
t.a.v. Sr. H.E. Plantijn
Breedestraat 193 (O)

E komishon di keho ta konsistí di sinku persona independiente, di kual e  presidente ta un hurista/abogado i e visepresidente ta un médiko. E komishon ta trata tur keho na un manera konfidensial. Reunionnan di komishon di keho no ta reunionnan públiko.

Prosedimentu di tratamentu di keho

  1. Un kopia di bo keho entregá por eskrito ta bai pa e personanan envolví den e keho. Ta pidi nan pa duna un reakshon por eskrito riba e suseso.
  2. Ora ta nesesario, komishon di keho ta tira un bista den bo fail médiko. Si bo no ke esaki, tin ku duna e funshonario di keho esaki por eskrito.
  3. Komishon di keho lo kuminsá trata bo keho ora a risibí tur reakshon riba e kaso.
  4. Despues ku a trata e keho e komishon ta traha un rapòrt den kual e ta nota su konklushon i rekomendashon.
  5. Komishon di keho ta manda e rapòrt pa Hunta di Direktiva.
  6. Hunta di Direktiva lo manda kontestá e persona ku a entregá e keho.

Informashon di kontakto

Breedestraat 193
Otrobanda
Willemstad, Curaçao

Yamadanan sentral
(+5999) 462 4900 of 910